#LS9:Նեյմարի հավանական տեղափոխությունը ՊՍԺ ստիպում է Բարսելոնային տրանսֆերային շուկայում փնտրել մեկին, ով կկարողանա արժանիորեն փոխարինել Նեյմարին:Ինչպես հաղորդում է իսպանական Marca - ն, Բարսելոնայի՝ Նեյմարին հնարավոր փոխարինողների ցուցակում է հայտնվել Ատլետիկո Մադրիդի և Ֆրանսիայի ազգային հավաքականի առաջատար Անտուան Գրիզմանը:Բարսելոնան դիտարկում է նաև Կոուտինյոյի, Դիբալայի ու Մբապեի տարբերակները, ընդ որում բրազիլիացուն կատալոնական ակումբում ավելի շատ ցանկանում են տեղ հատկացնել կիսապաշտպանությունում, այլ ոչ թե հարձակման եզրում:Բացի այդ, Գրիզմանն ունի մեկ շատ կարևոր առավելություն վերոնշյալ խաղացողների նկատմամբ: Եվ դա պայմանագրում սահմանված հրաժարագինն է, որը կազմում է 100 մլն եվրո: Լիովին ընդունելի թիվ Բարսլեոնայի համար ներկայիս պայմաններում:Իմանալով, թե որքան է ՊՍԺ - ն վճարել Նեյմարի դիմաց, բոլոր ակումբները Բարսելոնայից կպահանջեն մի քանի անգամ ավելի շատ գումար, քան իրականում արժե այդ ֆուտբոլիստը, մինչդեռ Ատլետիկոն, որն ի դեպ տրանսֆերային արգելքի պատճառով չի կարող տրանսֆեր իրականացնել մինչև հունվար ամիսը, չունի այդ հնարավորությունը: