#LS9:Բարսելոնայի արդեն նախկին ու ՊՍԺ - ի ներկայիս ֆուտբոլիստ Նեյմարը հրաժեշտ է տվել Բարսելոնային համացանցում բաց նամակի միջոցով: Նա գրել է.

- Մարզիկի կյանքն առաջ է գնում մարտահրավերներով: Որոշները մեզ տալիս է կյանքը, որոշները մեր ընտրությունն են, որպեսզի պահենք այն լույսը, որը լուսավորում է մեր կարիերան, որը շատ հագեցած է, բայց կարճ:Բարսելոնան ավելին էր, քան մարտահրավեր: Դա իմ մանկության երազանքն էր: Ես վիդեոխաղ էի խաղում աշխարհի լավագույն ֆուտբոլիստների հետ: Ես Կատալոնյա էի գնացել 21 տարեկան հասակում՝ լի մարտահրավերներով: Ես հիշում եմ իմ առաջին օրերն ակումբում, երբ կիսում էի հանդերձարանն իմ կուռքերի՝ Մեսսիի, Վալդեսի, Չավիի, Ինիեստայի, Պույոլի, Պիկեի, Բուսկետսի և մյուսների հետ, սպասելով, որ կխաղամ ակումբում, որն "ավելի է, քան ակումբ": Բարսելոնան ազգ է, որը ներկայացնում է Կատալոնյան!Պատիվ եմ ունեցել խաղալ մեծագույն մարզիկի հետ, ում երբևէ տեսել եմ իմ կյանքում և վստահ եմ, որ չեմ հանդիպի ավելի լավին: Լեո Մեսսին դարձել է իմ ընկերը խաղադաշտում և դրանից դուրս: Հպարտ եմ, որ խաղացել եմ քեզ հետ: Սիրում եմ քեզ!Ես Մեսսիի և Լուիս Սուարեզի հետ ձևավորել եմ հարձակման եռյակ, որը մտել է պատմության մեջ: Հաղթել եմ ամեն ինչ, ինչ կարող է հաղթել մարզիկը: Վերապրել եմ անմոռանալի պահեր! Ապրել եմ քաղաքում, որն ավելին էր, քան քաղաք, այն ինձ համար հայրենիք է: Սիրում եմ Բարսելոնան և Կատալոնյան:Բայց մարզիկը (ես) մարտահրավերների կարիք ունի:Եվ իմ կյանքում 2 - րդ անգամ ես հակառակվում եմ հորս:Հայրի՛կ, ես հասկանում և հարգում եմ քո կարծիքը, բայց ես կայացրել եմ իմ որոշումը, խնդրում եմ քեզ աջակցել ինձ, դու միշտ ես դա արել:Բարսելոնան և Կատալոնյան միշտ կլինեն իմ սրտում, բայց ես նոր մարտահրավերների կարիք ունեմ:Ես ընդունել եմ ՊՍԺ - ի առաջարկը, որպեսզի նոր նվաճումներ փնտրեմ և օգնեմ ակումբին նվաճել տիտղոսներ, որոնց սպասում են երկրպագուները: Նրանք ինձ համարձակ նախագիծ են ներկայացրել և ես պատրաստ եմ այս մարտահրավերին:Շնորհակալ եմ կապտանռնագույն հրաշալի երկրպագուներին աջակցության համար, այն ամենի համար, ինչ ես սովորել եմ այն մարզիկներից, ում հետ եղել եմ նույն հանդերձարանում:Ես սրտիս խորքում զգում եմ, որ եկել է հեռանալու ժամանակը: ՊՍԺ - ն հետագա տարիների ընթացքում լինելու է իմ նոր տունը և ես աշխատելու եմ, որպեսզի փոխհատուցեմ այն վստահության համար, որ նրանք ունեն իմ և իմ ֆուտբոլի նկատմամբ: Ես զգում եմ բոլորի աջակցությունը: Երկրպագուների, ովքեր ինձ հետ են 2009 թվականից, իմ ընկերների, ինձ ուղեկցող պրոֆեսիոնալների և իմ ընտանիքի, ովքեր շատ են տուժել այն խնդիրների պատճառով, որ տեղի են ունեցել իմ կարիերայի ընթացքում, այսօր նրանք արժանի են հանգստի:Սա ծանր որոշում է, բայց այն կայացրել եմ իմ 25 - ամյա փորձառությամբ:Բարսելոնա՛, շնորհակալություն ամեն ինչի համար!ՊՍԺ, գալիս եմ!Թող Աստված օրհնի և պաշտպանի մեզ: