Бир жумада 183 миң учур: Казакстандагы эпидчокусу кадимкидегиден эрте башталды

Казакстан 2025–2026 сезонун тынч баштаган жок. ЖРВИ расмий түрдө 20% азайганы менен, кырдаал жеңилдебеди: 1,46 млн учурдун 66% – балдар. Мектептер менен бакчалар дагы деле башкы эпидочок.

Быйылкы толкун эрте келди. Акыркы аптада 183 миң жаңы учур катталып, былтырга салыштырганда +16%. Тумоо боюнча 590 учурдун 587си – H3N2, балдар менен карыдар үчүн эң оор штамм.

Медицина системасына басым күчөдү. 10,8 миң төшөк даяр, 8,2 миң киши ооруканага жатты, алардын 6,8 миңи – балдар. Төшөк фонду 76% толгон. Жедел жардам да үзгүлтүксүз жүктөмдө.

Мектептер кысым алдында. Бир жумада 6 миңден ашуун окуучу ооруду. Онлайн окууга өтүү боюнча жалган маалыматтар тарап, бирок расмий түрдө болгону массалык иш-чаралар чектелген.

Вакцинация аз. 2,1 млн адам эмделди — бул акыркы беш жылдагы эң жогорку көрсөткүчтөрдүн бири, бирок калктын болгону 11%. H3N2 үстөм болуп турган маалда бул өтө төмөн деңгээл.

Сезон татаалдашууда. Бир нече вирус бир эле учурда айланып жүрөт: H3N2, риновирус, RSV. «Узакка созулган вирус» тууралуу арыздардын көбөйүшү да ушул менен түшүндүрүлөт.

Дарылар жетиштүү, бирок кадрдык басым чоң. Министрдин эл көп чогулган жерлерге барбоо сунушу — эпидтолкунду жайлатууга багытталган жалгыз инструмент болуп калды.

Кышкы чокусу декабрь–январда күтүлөт. Алдыңкы апталарда элдин жүрүм-туруму жана мектептердеги абал эпидсүрөттүн реалдуу динамикасын аныктайт.