15 сьнежня 1986 году – 28 аўтарытэтных прадстаўнікоў беларускай інтэлігенцыі (Вячаслаў Адамчык, Рыгор Барадулін, Янка Брыль, Васіль Быкаў, Пімен Панчанка, Леанід Шчамялёў, Стэфанія Станюта, Генадзь Каханоўскі, Яўген Кулік, Мікола Арочка, Алесь Разанаў, Уладзімір Конан, Васіль Вітка, Максім Лужанін, Анатоль Кудравец ды іншыя), накіравалі на імя генеральнага сакратара ЦК КПСС Гарбачова адкрыты ліст, у якім пратэставалі супраць дыскрымінацыі беларускай мовы на ейных гістарычных абшарах. Прапанаваныя ў лісьце захады дзеля паляпшэньня стану беларускай мовы ў Беларусі Крэмль часткова задаволіў, хоць у значнай ступені праігнараваў. З пазітыўных вынікаў: Пасьля гэтага звароту быў заснаваны часопіс "Беларуская мова і літаратура ў школе" (пазьней - "Роднае слова", рэдагаванае Міхасём Шавыркіным), пачаў выходзіць часопіс "Спадчына", узьнікла Беларускае тэлебачаньне пад кіраўніцтвам Генадзя Бураўкіна...