Tojikiston 🇹🇯

ВАТАНАМ - ТОҶИКИСТОН!

Ба ҳар роҳе, ки бошам, менамоям, ҳифз хокатро,
Самои сулҳбору ҳам замини атрнокатро.
Ватан, бо душманонат, то абад мардона меҷангам,
Ҳамеша пок медорам, зи душман марзи покатро.
Ту номуси манӣ, номи туро ман пос медорам,
Ба меҳру иштиёқу иззату ихлос медорам.
Фазои тозаатро дур, чун пироҳани модар,
Зи дастони касифи душмани ифлос медорам.
Ҳамеша ҳифз месозам, зи чашми бад ҳавоятро,
Замини ганҷзоратро, самои босафоятро.
Мисоли Рӯдакиву Бедилу Фирдавсиву Лоиқ,
Ба кайҳони сухан ман, ҳам барам рӯзе ливоятро.
Қалам дар дасти ман бар зидди бадхоҳи ту шамшер аст,
Сурудам, ҳам ба фарқи хасми фарҳанги ту чун тир аст.
Низомӣ нестам, аммо ҳаме бо назм дар азма

РӮЗИ АРТИШИ МИЛЛӢ МУБОРАК, ҲАМВАТАНОНИ ГИРОМӢ

33-юмин солгарди Рӯзи Қувваҳои Мусаллаҳи Ҷумҳурии Тоҷикистон муборак, ҳамватанони азиз!
Қувваҳои мусаллаҳи Ҷумҳурии Тоҷикистон яке аз шоҳсутунҳои бузурги давлат ва дастоварди замони истиқлол аст, ки аз таъсисёбии он 33 сол пур мешавад.
Маъмурияти гурӯҳи Tojikiston кулли афсарон ва ҷавонмардони бонангу ори кишвари азизамонро ба ифтихори 33-юмин солгарди Рӯзи Қувваҳои Мусаллаҳи Ҷумҳурии Тоҷикистон шодбош гуфта, тамоми хушиҳои зиндагиро барояшон таманно дорад.

ИДАТОН МУБОРАК - ҲОМИЁНИ ДАЛЕРУ ШУҶОЪИ ВАТАН!!

"ТОҶИКИСТОН-НОМИ НЕКАТ ЗИНДА БОД!"

ХОНАИ УМЕДИ ҲАР ИНСОН - ВАТАН,
МАСКАНИ ТАВЛИДИ ҲАР ИНСОН - ВАТАН.
БО ВАТАН БУДАН, ҲАМЕША ХУШДИЛИСТ,
ШУКР ГУФТАН, АЗ ВАТАН,ХУД ОҚИЛИСТ.
БО ВАТАН БОШӢ ВАТАНРО ДӮСТ ДОР,
ДАР ВАТАН ГАРДӢ АЗИЗУ НОМДОР.
ГАР БИДОНӢ, МАЪНИИ ҲУББУЛВАТАН,
ДӮСТ МЕДОРӢ, ВАРО АЗ ҶОНУ ТАН.
ТО БУВАД ДУНЁ, ВАТАН ПОЯНДА БОД,
"ТОҶИКИСТОН" НОМИ НЕКАТ ЗИНДА БОД.

ГАВҲАРАМ ТОҶИК- МАКОНАМ ТОҶИКИСТ!

•••┈┈┈••●◆●❁✿❁●◆●••┈┈┈•••
Гавҳарам Тоҷик, маконам тоҷикист,
"Миллатам тоҷик, забонам тоҷикист”!
Тоҷикӣ, чун лафзи аҳли ҷаннат аст,
Ин ҷаҳону он ҷаҳонам тоҷикист!
Фӯтаи рангинкамонам дар миён,
Ҳам замин, ҳам осмонам тоҷикист!
Ҳалқа, андар гардани гардун зада,
Ин каманди Каҳкашонам тоҷикист!
“Бишнав аз най, чун ҳикоят мекунад”:
Мағзи нойи устухонам тоҷикист!
Бар тани ман номи дигар мениҳӣ?!
Чун кунӣ ҷонам? Ки ҷонам тоҷикист!
Аз даҳони хеш мегӯям, сухан,
Эй, даҳанмардум! Даҳонам тоҷикист!
Гулфишону базрафшонам якест,
Ҳам баҳору ҳам хазонам тоҷикист!
Аз насими Рукнободам шунав:
Бӯйи Ҷӯйи Мӯлиёнам тоҷикист!
Серчашмам, чун Самарқанди чу қанд

ЗАБОНИ ТОҶИКӢ

•••┈┈┈••●◆●❁❁●◆●••┈┈┈•••
Гуфтугӯ созед, азизон, бо забони тоҷикӣ,
Бо забони содаву поку равони тоҷикӣ.
Бо забони аз ғализиву бадиҳо рӯзадор,
Бо забони кӯдаки ширинзабони тоҷикӣ.
Бо забоне нарм созад, оҳану фӯлоду санг,
Ҳамчу меҳри модарони меҳрубони тоҷикӣ.
Бо забони сӯзу созу бо забони розу ноз,
Нозанину дилрабо чун дилбарони тоҷикӣ.
Бо забони мот карда душманони хешро,
Ҳамчуноне бо ҳалуке паҳлавони тоҷикӣ.
Бо забоне, душманонаш даст боло кардаанд,
Бар бузургии забони сахтҷони тоҷикӣ.
Бо забони панди пири тоҷики равшанзамир,
Кони панду ҳикмату таъбирдони тоҷикӣ.
Бо забони ҷаннату, чун булбули дар ишқ маст,
Бо забони ҳастиву рӯҳу равони тоҷикӣ.
Бо сафои зиндагиву хай

ТОҶИКИСТОН БА ПЕШ!!

БО САРАФРОЗҲО,ТОҶИКИСТОН, БА ПЕШ,
ДУР АЗ МОҶАРО,ТОҶИКИСТОН, БА ПЕШ!

БО ДАЛЕРОНИ ХУД, ҚАҲРАМОНОНИ ХУД,
ҲАМ БА АҲЛИ ЗИЁ,ТОҶИКИСТОН, БА ПЕШ!

БЕ ТУ САРГАШТААМ, БАХТБАРГАШТААМ,
БАХТУ УММЕДИ МО, ТОҶИКИСТОН, БА ПЕШ!

ШОДАМ АЗ ШОДИЯТ, ШОД АЗ ОЗОДИЯТ,
ЭЙ, БА ДАРДАМ ДАВО,ТОҶИКИСТОН, БА ПЕШ!

ДУШМАНАТ САРНАГУН, ОБРӮЯТ ФУЗУН,
АЗ ЗАМИН ТО САМО, ТОҶИКИСТОН, БА ПЕШ!

БО ТУ МАН САРФАРОЗ, ДОМАНАТ ҶОЙНАМОЗ,
МОДАРИ БОВАФО, ТОҶИКИСТОН, БА ПЕШ!

ҲАР ДАМУ ҲАР НАФАС ҲУСНАТ АФЗУН ШАВАД,
МЕҲАНИ БЕБАҲО, ТОҶИКИСТОН, БА ПЕШ!

ТО НАФАС МЕКАШАМ, ДАР ДИЛАМ АЗ ТУ ҲАСТ,
ИШҚИ БЕИНТИҲО, ТОҶИКИСТОН, БА ПЕШ!

СОЯБОНИ САРАМ, ЭЙ, ВАТАН-МОДАРАМ,
БАХШӢ, БАР ДИЛ

МОДАР ЯКТОСТ, ТОҶИКИСТОН ЯКТОСТ!...

ЁРОН ҲАМА ҶО, ВАЛЕ ВАТАН ДАР ЯК ҶОСТ,
ҲАР САНГИ ВАТАН МИСОЛИ ҲАЙКАЛ ЗЕБОСТ.
ОЛАМ ҲАМА ҶО АЗИЗ, ЛЕКИН БАР МАН,
МОДАР ЯКТОСТ, ТОҶИКИСТОН ЯКТОСТ!...

РАВОНАТ ШОД БОД, ФАРИШТАИ ОСМОН- ҚОБИЛҶОНИ НОКОМ...

Дишаб фарёд зад, дар синаам дил,
Ки Қобил кушта шуд, аз дасти қотил....
Ба он даҳшат намекард, чашм бовар,
Гули хоре фитод, андар кафи дил.
Замин бо ашки борон нола дорад,
Фироқаш сӯзи доғи лола дорад.
Ва ҳарҷо набзи ҷони зиндае ҳаст,
Азои Қобили даҳсола дорад.
Бигиряд, сояи девори манзил,
Ки Қобил кушта шуд, бо теғи қотил.
Азо дорад, кулли Тоҷикистон,
Канори модари нашкаста армон.
Ба ғурбат ҳамватан рӯҳаш парешон,
Зи ранҷи номусу аз дарди виҷдон.
Аз ин дарде надидам дарди мушкил,
Ғами ту оташест ба кунҷи ҳар дил,
Сано 18.12.2025

ҶОНАМ, ВАТАН

____________
ЭЙ, ВАТАН, ҶОНАМ ВАТАН, ҶОНАМ ВАТАН,
ҚИБЛАИ УМЕДУ АРМОНАМ, ВАТАН.
МУЛКИ ОЗОДИПАРАСТОНИ БАОР,
ПОРАИ ҶОН, АСЛИ ИМОНАМ, ВАТАН.