Sputnik Ўзбекистон

Улуғ Ватан уруши хотираси собиқ Совет Иттифоқи халқларини ҳануз бирлаштирмоқда

Бу ҳақда Россия ҳарбий-тарихий жамияти илмий раҳбари Михаил Мягков Sputnik матбуот марказида маълум қилди.
Унинг сўзларига кўра, совет аскарлари хотирасига бағишланган ёдгорликларни зиёрат қилиш учун Ўзбекистон, Қозоғистон ва Қирғизистондан ҳам одамлар келмоқда.
“Бу кўп миллатли армия эдик ва ўша пайтда бизни айнан бирдамлик туйғуси бирлаштирган. Бирдамликсиз келажак қуриб бўлмайди”, — деган Мягков.
У шунингдек, Донбасс ва Новороссияда янги ёдгорликлар тикланаётганини, жумладан, 2014 йилда вайрон қилинган Саур-Могила мемориали қайта барпо этилганини айтди.

Россия жанубидаги аэропортлар ёпилиши сабаб минглаб йўловчилар кутиб қолмоқда

РФ Туроператорлари ассоциациясига кўра, юзага келган узилишлар ортидан камида 14 минг киши ўз вақтида учиб кета олмаган.
Ҳозиргача 80 дан ортиқ рейс кечиктирилган ёки бутунлай бекор қилинган. Парвозлар қачон тўлиқ тикланиши эса ҳозирча номаълум.

Ўзбекистоннинг халқаро захираларидаги олтин ҳажми 5 ойда $55,1 млрддан $61,6 млрдгача ошди

Марказий банкга кўра, шу вақт оралиғида олтин захираларининг қиймати қарийб $6,5 млрдга ошган.
Ойлар кесимидаги кўрсаткичлар инфографикада келтирилган.

Апрель ойида озиқ-овқат нархлари қандай ўзгарди?

Миллий статистика қўмитасига кўра, энг катта ўсиш картошка (+6,5%), олма (+4,5%) ва қўй гўшти (+3,7%) нархларида қайд этилган.
Шу билан бирга, пиёз (−2,7%), помидор (−2,4%) ва парранда гўшти (−1,4%) арзонлашган.
Батафсил рақамлар ва маҳсулотлар билан инфографикада танишинг!

Йил бошидан буён қурол муомаласига оид 7,5 мингдан зиёд қонунбузарлик аниқланди

Ҳуқуқ-тартибот органлари маълумотига кўра, 598 та ноқонуний қурол ва қарийб 3,2 минг ўқ-дори мусодара қилинган.
Шунингдек, браконьерликка қарши рейдларда 575 та қонунбузарлик ҳолати фош этилиб, табиатга 4,3 млрд сўмлик зарар етказилган.
Фуқаролар эса ихтиёрий равишда 433 та қурол ва 3 мингдан ортиқ ўқ-дорини топширган.

Дам олиш кунлари республикада ёмғир ёғиши мумкин

Шанба куни Бухоро, Навоий, Самарқанд ва Жиззах вилоятларида қисқа муддатли ёмғир ёғиши кутилмоқда. Ҳаво ҳарорати +28°…+33° гача пасаяди.
Якшанба куни республиканинг катта қисмида кучли ёмғир ва момақалдироқ кузатилиб, ҳарорат +20°…+25° атрофида бўлади.
Душанба куни Фарғона водийси, Самарқанд, Жиззах ва Сирдарё вилоятларида қисқа муддатли ёмғир ёғиши мумкин. Ҳаво ҳарорати +30°…+35° гача кўтарилади.