Бу ерларга яна қайтиб келаман,

Бундай оламларни ҳеч кўрмагандим,
Соғинчли саломим айтиб келаман,
Бундай одамларни ҳеч кўрмагандим.
Отамнинг юзини эслатиш учун,
Онамнинг сўзини эслатиш учун,
Устозлар изини эслатиш учун,
Бу ерларга яна қайтиб келаман.
Ширин хотиралар қўлларин ушлаб,
Қувончга чўмилиб баҳордай яшнаб,
Шаҳарда энг зарур ишларим ташлаб,
Бу ерларга яна қайтиб келаман.
Унутиб, шон шуҳрат мағрурлигимни,
Унутиб, сиз учун машҳурлигимни,
Ҳаммадан энг оддий одам бўламан,
Бу ерларга яна қайтиб келаман.
Ким сизчалик қадрим сезади айтинг,
Ким мени сизчалик севади айтинг,
Дўстларим агарда йўлингиз тушса,
Бизлар томонга ҳам бир кириб ўтинг.
Бирингиз отамсиз, бирингиз болам,
Кўрмадим дунёда сиздан зўр олам,
Минглаб қуёшқалблар, меҳмондўст одам,
Бу ерларга яна қайтиб келаман.
Аҳад Қаюм ёзар минг бир маънода,
Яшар ижод деган эртакбинода,
Китобга айланиб, ёки кинога,
Бу ерларга яна қайтиб келаман