Концерт эстрадной группы "АСАМАТ"

Концерт

Фильтр

Всё Увлечения

Вера Крючек

9 фев 2023

Спящая душа

Не усложняйте себе жизнь.

Вера Крючек

2 июн 2019

Юрий Стеклов

* * *
Пĕчĕкленсе çухалчĕ парăс,
ав, горизонтăн хыçĕнче.
Хумсем кăна чупаççĕ харăс.
Тăратăп эп çыран çинче,

шур тутăрпа çаплах суллатăп,
юхса ӳкет çĕре куççуль.
Сан сăнуна умра куратăп,
эс ман çинчен шутлатăн пуль.

Шыв çийĕн кайăксем вĕçеççĕ.
Пуласчĕ ман чĕкеç, чарлан;
сана курасчĕ ман, итлесчĕ –
инçе çĕрте мана ан ман!..

Çулталăк иртрĕ – çуккă парăс.
Ăçта çӳрен, пĕлместĕп эп.
Тулта каллех хурланчăк нарăс –
сана çавах кĕтеп, кĕтеп…

13.01.2019 15:10
Сергиев Посад

Вера Крючек

2 июн 2019

Юрий Стеклов

* * *
Канмасăр, çӳллĕ çырантан
шăнкăртатса юхать çăлкуçĕ.
Шывне кăштах çеç тутанан –
сана валли асамлăх уçă!

Ĕçес килмен чухне иртетĕп
ун çумĕпе ялан хуллен,
çĕр утăмран ăна илтетĕп:
юрлать, юрлать вăл тем çинчен!

Улшăнусем пулса пыраççĕ
унта-кунта кашни кунах:
пуяс шутпа пуç çухатаççĕ,
чĕртеççĕ вăрçă кăлăхах.

Çичĕ ютра вăрман çунать-и
е тарăхса вулкан кĕрлет,
е пирĕн самолёт çуначĕ
вĕçев пĕтмесĕр тĕпренет,

е тухăçра çунать-и шуçăм,–
пĕлместĕп эп, кам хушнăран
çапах юхать, юхать çăлкуçăм
канмасăр çӳллĕ çырантан!

13.01.2019 13:35
Сергиев Посад