Hicri təqvimi ilə 254-cü il, rəcəb ayının 3-cü günü imam Əli Ən-Nəqi (ə) 41 yaşında şəhadətə qovuşdu.

(Məsarüş-şiə, s. 34, Biharül-ənvar, c. 5, s. 117)
İmam Hadinin (ə) yaşadığı dövr abbasi xəliflərindən altısına təsadüf edir: Mötəsəm, Vasiq, Mütəvəkkil, Müntəsir, Müstəin, Mötəz.
İmam Hadi (ə) on üç il Mədinədə yaşayıb. Şərəfli ömrünün qalanını Mütəvəkkilin məcburiyyəti ilə Samirada yaşadı. Mədinənin hakimi Mütəvəkkilə yazdı ki, “əgər Məkkə və Mədinədən bir istəyin varsa Əli ibn Məhəmmədi (ə) bu diyardan kənarlaşdır. O hamını özünə müti edib.” Ona görə də o xəbis imam Hadini (ə) Samiraya aparıb ciddi şəkildə onu nəzarətdə saxladı. İmam Hadi (ə) 20 il, 9 ay o şəhərdə yaşadı. Mötəz xəlifəliy çatanda onun camaat tərəfindən xüsusi sevildiyini anladı. Ona görə də şiələrin onuncu rəhbərini zəhərləyıb şəhid etdi. İmam Həsən Əskəri (ə), uca atasının pak cənazəsinə namaz qıldı. İmamın cənazəsini Samirrada, onun evində dəfn etdi.
(Müntəhayül-əmal, 12-ci bab, 5-ci fəsl, s. 1167)