Abadiy Ishq

Фильтр

8 сен 2018

Ko'ksimdan sidirib tashladim muzni,
Yolg'iz yashamoqqa yaratdim imkon.
Bag'ringga yashirib qo'ydim bir qizni,
Sen uni hech kimga berma dunyojon.

Unamadim,yolg'on rastang sayliga,
Yurmadim,quvmadim omad izidan.
Shu oqshom bo'g'ilib o'lsam mayliga
Tunda o'g'irlangan,sochlar isidan.

Asra uni dunyo,ro'yolaringdan,
Ko'ksini har kimga ochiq qoldirma
Mening hayotimni kul aylasang ham
Uning orzusini o'tda yondirma

Menku...
Har yurakka g'am bo'lib kirgan,
Har qadamda gunoh,bo'lib cho'kkanman
Nursiz dil yonida,soyadek yurgan
Hissiz dil qoshida,ko'z yosh to'kkanman

Sen uni avayla-
Umrning g'ami,
Og'irlik qilmasin kipriklariga
Yo'lini to'sginu,borma qo'ygani
Hayotning qaltis,qil ko'priklariga.

Mayl

Аббос Каримов

8 авг 2018

Umrim bezagidir yolg'izlik netay.
Shunday yashayapman shunday o'taman.
Sabr qilgin. Ozgina qoldi
Dunyoyingdan ham chiqib ketaman...

Аббос Каримов

8 авг 2018

Bu ne tushki ...

Bu ne tushki seni uyg'otgan,
Solib butkul yurakka titroq
Mumkin qochish hatto hayotdan,
Muxabbatdan qochish qiyinroq.

M U A Y Y I D

25 мая 2018

Daftar yuzin chang bosib
qolgan,
Ilhom bermay qo‘ygan
bahorlar.
Bu xonada nedir yo‘qolgan,
Chalinmagan bu fasl torlar.
O‘qilmagan eski xatlar ham.
Bir burchakda yotibdi ana.
Temir tili zanglagan qalam,
G‘aladondan topgan boshpana.
Bir-birini bosgan bag‘riga
Javondagi uch-to‘rtta lagan…
Derazaning ko‘z yoshlaridan
Tokcha yuzin sepkil qoplagan.
Ikki surat boqar bir yerga,
Ikkisi ham qoshini kergan.
Pishiq, lekin mayda zanjirga
O‘zin osib soat jon bergan.
Xona uzra sukunat daydib,
Bor ovozda qiladi xitob.
Bir-birini zo‘rg‘a suyaydi
Javondagi uch-to‘rtta kitob…
Hamma motam tutadi unga.
Shabbodalar mayin yelmaydi.
Hammasidan yomoni – bunga
Shoir boshqa qaytib kelmaydi…