“Барселона” клуби Малайзияга қарши ўртоқлик ўйини учун 3 миллион евро олди. Гарчи Малайзияга қарши ўйинда Лионель Месси иштирок этмаган бўлса ҳам, “Барселона”
ваъда қилинган пулларни тўлиқ олган. Аввалроқ, Месси иштирок этмаган туфайли ушбу сумма миқдори камайиши мумкинлиги эълон қилинганди. Аммо ўзаро тузилган шартномада бундай банд йўқлиги учун каталонияликлар пулни тўлиқ олишган.
“Барселона” клуби бош мураббийи Херардо Мартино Неймарнинг аҳволи яхшиланиб бораётганини айтиб ўтди. Неймар Малайзия терма жамоасига қарши кечган ўртоқлик ўйинида майдонга тушиб, битта гол киритишга ҳам муваффақ бўлди. “Кундан кунга Неймарнинг аҳволи яхшиланиб бормоқда. Малайзияга қарши ўйин олдидан биз уни 45 дақиқа майдонга туширишни режалаштиргандик. У жуда яхши ўйин намойиш қилди, шундай бўлса ҳам биз режага асосан уни иккинчи бўлимда алмаштирдик”, - дейди мутахассис.