Паян Патӑрьелпе Шӑмӑршӑ военкоматӗнчен пӗрремӗш ушкӑн сбор пунктне тухса кайрӗ.

Ҫак йышра Татмӑш каччи Александр Максимов та пур.
Призывниксемшӗн, уйрӑмах ашшӗ-амӑшӗшӗн хумхануллӑ ҫак тапхӑр. Ывӑлӗсен сывлӑхӗшӗн, ырлӑхӗшӗн пӑшӑрханни ярт уҫҫӑн сисӗнет. Малашлӑхра вӗсен ыйхӑ килмен каҫсем, тӑван тӗпренчӗкӗсенчен шӑнкӑрав кӗтни, кӗске калаҫу хыҫҫӑн кӑмӑла кӑштах пусарни...
Саша, сан малашлӑхра - служба, тӗрӗслевсем, ҫӗнӗ туссем.
Пулас салтак, Тӑван ҫӗршыв сана граждансен тӑнӑҫлӑхӗпе лӑпкӑлӑхне шанса парать. Службӑра хӑвна лайӑх енчен ҫеҫ кӑтартма, ҫар присягине тивӗҫлӗ пурнӑҫласа пыма ӑнӑҫу сунатӑп.
Тепӗр кӗркуннеччен!