ЙЎҚЛАМАСАМ ЙЎҚЛАМАЙСИЗ ҲАМ!

Кўрдингизми мендан ё озор,
Нотинч кўнглим туширгайсиз ғам,
Айтинг сизга не бўлди эй ёр,
Йўқламасам йўқламайсиз ҳам.!
Кечолмайман сиздан кўз қийиб,
Сўз демайсиз тилингиз тийиб,
Гина араз тўнингиз кийиб,
Йўқламасам йўқламайсиз ҳам!
Тилкалайди ҳижрон деган ўқ,
Соғинч бағрим қиздирган бир чўғ,
Ўйлайвериб дилда ором йўқ,
Йўқламасам йўқламайсиз ҳам!
Боқар дунё менга мўнғайиб,
Қалбим гуё бўлгандай майиб,
Мендами ё сиздами айб,
Йўқламасам йўқламайсиз ҳам!.
Сўзламайсиз кўнглингиз очиб,
Бегонадай меҳрингиз қочиб,
Дилга соғинч ифорин сочиб,
Йўқламасам йўқламайсиз ҳам!
Пушаймонман ич этимни ****,
Ўтган фурсат тўлгани алам.
Кечиролмай битта ҳато деб,
Йўқламасам йўқламайсиз ҳам!
Зулмат босиб кундузларим тун,
Соғинчлардан юрак бўлди хун,
Ёлғизликка ясайлик якун,
Йўқламасам йўқламайсиз ҳам!
Кўнглим сизла баҳордай бўлар,
Музим эриб анҳорлар тўлар,
Қачон дилда ҳижронлар ўлар,
Йўқламасам йўқламайсиз ҳам!