Мураббий ўз муридларига таълим бераётган ёки йўл кўрсатаётган вақтда, олдидаги эшитиб ўтирган кишиларни ўзидан кўра яхшироқ, деган эътиқодда бўлиши лозим.

Ўзини улардан кўра ёмон, уларни эса ўзидан кўра яхши деб билиши керак.
Сизларни ичингизда кимдир; «Мен тўғри йўлда Аллоҳнинг динига ҳизмат қилаётган бўлсам, ундан ташқари ҳамма вақтимни Аллоҳ субханаҳу ва таолонинг йўлида ўтказаётган бўлсам, улар эса дунёси, ҳавойи нафси ва ўзларининг роҳатлари билан машғул бўлсалар қандай қилиб улар мендан яхши бўлади» — деб айтиши мумкин.
Ҳа, буни билишнинг йўли осон. Аллоҳ сени ички дунёйингни улардан беркитиб қўймадими?! Шундай.
Сен ўзинг беркитган сирингни билсанми?! Биласан.
Мен ўзимни мисол қилиб айтаман, мен ўзимни яхши биламан. Мен уйимга қайтиб келиб ўтирганимда эрталабдан кечгача қилган ишларим хаёлимдан ўтади. Мен ўзимни Аллоҳдан узоқлашганимни кўраман.
Ислом ҳимоясида ўзимнинг чиқишларимдаги китоблардан гапираётган чиройли сўзларда кўринаётган ташқи муносабатларнинг ҳаммаси менинг сирларимни ташкил этмайди. Демак мен билишим керак бўлган нарса шуки менинг тутган ўрним тубанлашиб бормоқда.
Аллоҳнинг бандалари билан учрашганимда мен фақат уларнинг ташқи кўринишларини кўраман. Ташқи кўринишлари уларни тўғри юрганларидан, ибодат қилаётганларидан ҳамда Аллоҳ ва Унинг Расулини яхши кўраётганларидан ҳабар бериб турибди. Агар ундай бўлмаганида улар ушбу жойда жамланиб ўтирмаган бўлардилар.
Ҳа шундай, уларнинг зоҳирлари шуни айтиб турибди.
Шундай экан мен уларга нисбатан яхши гумонда бўлиб, ўзимни камтар тутишим ва ўзимни улардан ёмон деб билишим лозим.
Davomini o'qish uchun ushbu ssilkani bosing: http://imon.uz/?p=1095