ნუ ელოდები

ნუ ელოდები რომ ვიღაცა ხელით გატარებს,
შენივე მხრებით გაიტანო უნდა ცხოვრება!
მხოლოდ დედა თუ აგვიტაცებს ხელში პატარებს,
გაიზრდები და ნებივრობა ამით მორჩება!
ნუ ელოდები,შენს მაგივრად ვინმეს ეტკინოს,
ცხოვრებას თავის წესები აქვს-უნდა იცოდე!
თუ შენს სავალზე ია-ვარდი გინდა გეფინოს-
თვითონ დათესე! თვითონ დარგე! თავად ეცადე!
ბევრს ნუ მოითხოვ,ყველას თავის ჯვარი ამძიმებს
და მოლოდინიც მეტნაკლებად მაინც მართლდება...
ცხოვრება სუსტებს დამიჯერე უფრო აშინებს
და ერთი მარცხით სიცოცხლე ხომ არ დამთავრდება?!...
ნუ ელოდები,რომ შენს საქმეს სხვა გააკეთებს,
უპირველესად საკუთარი იმედი გქონდეს!
ამქვეყნად ვერა,შენ ვერაფერს გადააკეთებ-
თვითონ ისწავლი აერიდო როგორღაც ლოდებს!
ნუ გაიკვირვებ უსამართლოდ მოგექცნენ ოდეს,
თავად ძე ღვთისა გახდა ჩვენი ღალატის მსხვერპლი!
არ დაიჯერო,სამართალი რომ არ არსებობს,
უიმედობა გადაგრევს და ჭკუიდან შეგშლის!
ნუ ელოდები ყველაფერი ისე იქნება
როგორც შენ გინდა,არ მოხდება ყოველთვის ასე!..
ქვიშის სასახლე პირველივე წვიმით იშლება,
კიდევ ვინ იცის დაგეგება რამდენი მახე...
ნუ ელოდები,რომ ვიღაცა თავს შემოგწირავს!
ნურც იმას ელი,რომ შენს გამო სულს ვინმე დათმობს!..
ბუმერანგია ეს ცხოვრება,უკან გიბრუნებს...
დათმე და დაგთმო! არ თმობ და დაგთმობს?!
შენ მხოლოდ უფლის სამართალის უნდა გჯეროდეს
და მხოლოდ მისი წყალობით და რწმენით ცხოვრობდე!
გაგიწბილდება სხვა იმედი,იმ ერთის გარდა,
ღმერთივით ვერვინ გიერთგულებს მაინც ბოლომდე!
/ია ნანეიშვილი/