წითელ პარასკევი- ადამიანებმა აღასრულეს უდიდესი ბოროტმოქმედება მთელი სამყაროს არსებობის მანძილზე - ჯვარს აცვეს საკუთარი ღმერთი, რომლის ერთადერთ "დანაშაულს" საკუთარი ქმნილების უდიდესი, გონებისათვის მიუწვდომელი სიყვარული წარმოადგენდა. ჯვარს ეცვა და... აღდგა, რათა მასთან ერთად განეცოცხლებინა ცოდვით დაცემული სამყარო... პარასკევს იყო გვემა, დაცინვა, შეურაცხყოფა, გაშოლტვა, გულისგამგმირავი შეძახილი: "ჯუარს აცუ, ჯუარს აცუ ეგე!", პილატეს ხელთაბანა და გოლგოთა... უსულო ქმნილებებიც კი შეძრწუნდნენ დამცირებული და ჯვარცმული მეუფის ხილვით: მზე დღის სამ საათზე ჩავიდა, მიწა იძრა ამ უსამართლობისგან, მაგრამ ცოდვით დაბნელებული ადამიანების გულები ვერაფერმა მოალბო: წყალი ითხოვა და ძმარი ასვეს, სიბრალულის ნაცვლად დაცინვითა და ყვედრებით აავსეს: თუ მართლა ღმერთია, უშველოსო საკუთარ თავს... მაცხოვარმაც დიდხანს ვერ გაუძლო და სამ საათზე მიიცვალა.

შემდეგ კი დაივანა საოცარმა მდუმარებამ: "მეფემ დაიძინა. მიწას შეეშინდა და გაყუჩდა. ღმერთკაცმა დაიძინა... და ჯოჯოხეთი შეძრწუნდა. ღმერთმა ცოტა ხნით დაიძინა და ადამის დროიდან დაძინებულნი მკვდრეთით აღადგინა".

ბრბომ ,რომელიც პალმის რტოებითა და ყიჟინით ,შეძახილებით „ოსანა„ ოსანა„-შეეგება იერუსალიმში შესვლისას მაცხოვარს ,სასიკვდილოდ გაიმეტეს ღმერთკაცი და „ბარაბა„შეიწყალეს... „დიდება მოთმინებასა შენსა უფალო ი ე ს ო ! „ მ.რ. #მრ