ჩვენი გაზაფხული მომენატრა

იქნებ გაზაფხული შემინახოთ,
მხოლოდ ქართული და ჩვენეული,
იქნებ მონატრება დამითვალოთ,
მთვარის ნაფლეთებში შერეული.
შურიანი სულაც არ ვარ, მაგრამ
ჩვენი გაზაფხული მომენატრა,
ახლა ჩემს ეზოში ალბად დათბა,
ალბად იებს ესმით ჩემი ნატვრა,
ასე ლამაზად რომ მოჩითულან,
თეთრ ან ცისფერკაბა ფანტელებით,
ნარცისებიც მწკრივად მიწყობილან
მზი სხივ ნაკოცნი და ნაფერები.
ჩვენი გაზაფხული მომენატრა,
მხოლოდ ქართული და ჩვენეული,
თვალში ცრემლი უკვე მომეძალა,
მონატრებად სისხლში შერეული.