იესოს ჯვარცმა

შენ სიყვარულო, სიძულვილით გამოგიყვანეს,
გტანჯეს, გაწამეს, დაგამცირეს მიწას გათრიეს,
ეს არ გაკმარეს, გაგშოლტეს და ჯვარი აგკიდეს,
სიკეთის მოძღვარს ბოროტებით გადაგიხადეს.
აგერ გოლგოთის მთაც გამოჩნდა, ბედისწერის მთა,
მთა რომელზედაც, მთელი ქვეყნის ბედი წყდებოდა,
სწორედ ამ მთაზე, მძიმე ჯვარზე, მძიმე ლურსმნებით,
მწარე ღალატით, ბოროტებით, შეძახილებით
ჯვარს გაცვეს ქრისტე, ავაზაკთა შორის გაგწირეს,
გტამჯეს, გაწამეს, გაგიმეტეს და დაგამცირეს.
მაგრამ თვალებში სიყვარული სულ არ ჩაგიქრა,
და შენს ტანჯვებში პატიება სულ არ გაგიქრა,
თბილი ღიმილი ტუჩებიდან არ წაიშალა
და სული შენი შეწყალებით არ დაიღალა.
ჩვენთვის ჯვარცმულო, შენი წმინდა სხეული უმანკო,
ოი, რა დიდი სიყვარულით დასთმე, გაწირე,
და ვითარც კრავი, კრავი ღმერთის შესაწირავი,
ჯვარზე გაეკარ, ცოდვებისგან გამოგვისყიდე.
სისხლი ძვირფასი წვეთ წვეთობით გამოგეცალა,
ყოველი წვეთი მას დაეცა, ვინც შენ გიწამა.
სისხლით შეღებე დედამიწა იმ ჯვარცმის ღამეს,
ცოდვა კიოდა, შენ კი აღებდი სამოთხის კარებს.
სამოთხის კართან გველოდები გამარჯვებული,
მკვდრეთით აღმდგარი, ამაღლებული, განდიდებული,
შენ განგადიდებთ ღვთის შვილები მადლიერებით,
სისხლით დახსნილნი, გამოსყიდულნი და ბედნიერნი.
ო, ნეტარებავ, ახდენილო ტკბილო ოცნებავ,
ჩვენო ღვთაებავ, სიყვარულის მეფევ ძვირფასო,
გოლგოთის მთაზე შენი ჯვარცმა, კვლავ მოვიგონეთ,
დაღვრილი სისხლი, ასე ძლიერ ძვირად რომ ფასობს.