#ნინი.

ღვთისმშობელო, მომეხმარე!
მუნ მაღირსე ნათლის არე,
ძისა შენის ხმა მახარე,
ლამპარ მქონდეს რა მთებარე.
ღვთისა დედავ, მომეხმარე!
ნუ დამარჩენ კარსა გარე,
ბრძენთა თანა დამიბარე,
ტანჯვისაგან დამიფარე!
დედოფალო, მომეხმარე!
მკვდარი ცოდვით ვარ მდებარე,
სულის ბრძოლა დამიწყნარე,
ძესა შენსა მეც მიმგვარე.
ზესთა დედავ, მომეხმარე!
შენ ხარ ჩემი არემარე,
არვინ მივის შენსა გარე...
შენ გაქებენ მზე და მთვარე.
სასო ჩემო, მომეხმარე!
მომაძაგე ცოდვა მწარე;
მადლი თუ ვქენ ცოტა რამე,
იგიც ცოდვით ქვე დავფარე.
დედა ტკბილო, მომეხმარე!
ქრისტე ღმერთი შემაყვარე;
ვიდრეცა ვარ დამიფარე,
აწ შენ გვედრი, შემიწყნარე.
ღირსი ალექსი ბერი