.

. .
"მიყვარხარ შვილო!"-რამდენჯერ მითქვამს
და მაინც მინდა გითხრა ათასჯერ!
დედის გრძნობები ყველაზე წმინდა-
არ მაქვს სიკეთე მჯობნი ამაზე!
"გამრავლდი შვილო!"-რამდენჯერ მითქვამს,
ზღვაში ქვიშად და ცაზე ვარსკვლავად!
და მე რაც შენთვის სიკეთე მინდა,
რა გამომილევს ჩემო პატარა!
"იხარე შვილო!"-ვამბობ,თვალებზე-
იმედის ცრემლი მოგორავს მწველი...
ვლოცულობ ყველა წუთზე და წამზე,
შენ გამეზარდე დღეგრძელი დედი!
"დაგლოცოს ღმერთმა!"-პირჯვარს გიწერ და
ერთად ვიჩოქებთ უფლის წინაშე.
ეს სულ მცირეა,რასაც აქ გიწერ-
ყველა სურვილზე დგახარ წინარე!
ხატთან და ღმერთთან ლოცვა ხარ ჩემი,
შენი ტკივილი მე მერგოს ყველა!
სულ დალოცვილი მეყოლე დედი!
შენ გაეზარდე შენს მშობელ დედას!!!
ია ნანეიშვილი