მოდი, თითქოს ბავშვები ვართ, გამიტაცე,

მერე სადმე გადამხიზნე მთაში,
სიყვარული სულ თავიდან ამიხსენი
არ გამიშვა, არ გამიშვა სახლში...
ყვავილები დამიწანი გვირგვინებად,
სამკაულად კესანები მართვი,
საღამოჟამს ბუხარს ცეცხლი შეუკეთე,
ცხელი ჩაი მოვიმზადოთ მაყვლით.
მერე დილით განთიადზე გამაღვიძე,
ნაწვიმარზე მასეირნე ბაღში,
ხელისგულზე შენი ხელი დამაფარე
ისე ვითომ შემეშინდა რამის....
მოდი,თითქოს ბავშვები ვართ,გამიტაცე,
მერე სადმე გადამხიზნე მთაში,
სიყვარული სულ თავიდან ამიხსენი
არ გამიშვა, არ გამიშვა სახლში...
დიკა სალაყაია