ტორტი "პრაღა" - ძველებური რეცეპტი

ინგრედიენტები:
კვერცხი 6 ცალი
შაქარი 160 გრ
ფქვილი 120 გრ
სოდა ძმრით
კაკაო 2 სკ
კარაქი 40 გრ
მარილი 1/4 ჩკ
ვანილი
კრემი
შესქელებული რძე 150 გრ
კვერცხის გული 1 ცალი
კარაქი 200 გრ
კაკაო 2 სკ
ვანილი 1 შეკვრა
მინანქარი
შაქარი 1 ჭიქა
კაკაო 3 სკ
კარაქი 100 გრ
რძე 4 სკ
1. ბისკვიტი: მიქსერით ამოვიყვანოთ 6 კვერცხის გული და 80 გრ შაქარი.
ცალკე ჯამში ავთქვიფოთ 6 კვერცხის ცილა, სანამ ღრუბელივით მასას არ მივიღებთ, ნელ-ნელა ჩავაყაროთ 80 გრ შაქარი. შევურიოთ ორივე ერთმანეთს ნაზად, ხელის სათქვეფით. ჩავასხათ 1 ჩკ სოდის და ძმრის ნარევი, ჩავაყაროთ ფქვილი, კაკაო, მარილი, ვანილი და ჩავასხათ დამდნარი, ოთახის ტემპერატურაზე გაცივებული კარაქი. მიღებული ცომი ჩავასხათ 20-22 დიამეტრის ცხიმწასმულ საცხობ ფორმაში და გამოვაცხოთ 200 გრადუსზე გახურებულ ღუმელში.
2. კრემი: კცერცხის გულს შევურიოთ ჯერ 40 მლ წყალი, შემდეგ კი შესქელებული რძე, შემოვდგათ ნელ ცეცხლზე, არ შევწყვიტოთ მორევა ისე მივიყვანოთ ადუღებამდე, გადმოვდგათ და კარგად გავაცივოთ.
მიქსერით კარგად ამოვიყვანოთ კარაქი. თითო-თითო კოვზობით შევურიოთ მომზადებული შესქელებული რძე, კაკაო და ვანილი.
3. მომზადება: ბისკვიტი გავყოთ 3 ნაწილად, თანაბრად გავანაწილოთ კრემი 2 ფენაზე და გვერდებზე, ხოლო ზედა ფენას მოვასხათ დამდნარი შოკოლადი ან მინანქარი.
4. მინანქარი: 3 სკ კაკო და 1 ჭიქა შაქარი შეურიეთ ერთმანეთს, ჩაყარეთ კუბიკებად დაჭრილი 100 გრ კარაქი, ჩაასხით 4 სკ რძე და რევა-რევით მიიყვანეთ ადუღებამდე, დატოვეთ ცეცხლზე 1-2 წუთი და გადმოდგით.