ქაბაბები ბროწეულის ნარშარაბით

ინგრედიენტები:
შერეული ხორცის ფარში 600-700 გ
ხახვი 2 თავი
კვერცხი 1 ცალი
ძირა 1 ს/კ
პიტნა ხმელი, 1 ჩ/კ
დანაყილი ნიორი 2 კბილი
ცხიმი შესაწვავად
მარილი და პილპილი
თხელი ლავაში 12 ცალი, პატარა
ოხრახუში 1 კონა
მწვანე ხახვი 1 კონა
ბროწეულის ნარშარაბი
სასურველი მწნილი სურვილისამებრ
მომზადების წესი:
ხახვი წვრილად დავჭრათ და ცოტაოდენ ცხიმში მოვშუშოთ.
ფარშს დავუმატოთ დანაყილი ნიორი, სანელებლები, მოშუშული ხახვი, კვერცხი და კარგად მოვზილოთ ხელით.
ფარშისგან გავაკეთოთ დაახლოებით 12 ცალი მოგრძო ფორმის გუნდა და გაცხელებულ ცხიმში საშუალო ტემპერატურაზე დავბრაწოთ.
შემწვარი ქაბაბები მოვათავსოთ ლავაშზე, მოვუწყოთ მწნილი, მწვანილი, მწვანე ხახვი და გადავახვიოთ.
ქაბაბები სუფრაზე ნარშარაბმოსხმული გავიტანოთ.