კაროლინ ისბისტერმა ნაადრევად იმშობიარა.

ჩვილი ძლიერი ინფექციით დაიბადა და მისი გადარჩენის შანსი ნულის ტოლი იყო. ბავშვი, პრაქტიკულად, აღარ სუნთქავდა.
დედამ ხელში აიყვანა ჩვილი, გოგონა რეიჩელი, რათა უკანასკნელად ჩაეკრა გულში – ექიმებმა მშობლებს უთხრეს, რომ ახალშობილს სიცოცხლის რამდენიმე წუთი ჰქონდა დარჩენილი, მისი გული სულ უფრო იშვიათად სცემდა და ბავშვი არ სუნთქავდა.
კაროლინ ისბისტერი იხსენებს:
"არ მინდოდა, როცა გარდაიცვლებოდა, ცივი ყოფილიყო. ავიყვანე და გულზე დავიწვინე, რათა გამეთბო. მისი პაწაწინა ფეხები ძალიან ცივი იყო. შემდეგ საოცრება მოხდა: დედის კანის სითბომ პატარას გულს უფრო მეტად აიძულა, ემუშავა, რამაც საშუალება მისცა ბავშვს, ამოესუნთქა. ჩვენ და ექიმები თვალებს არ ვუჯერებდით. შემდეგ გავიგონეთ მისი ტირილიც. მე დიდხანს მყავდა ის სხეულზე მიკრული. მისი ნაცრისფერი კანი თანდათან გავარდისფრდა".
მთავარი ექიმის თქმით, მის 27-წლიან პრაქტიკაში მსგავსი შემთხვევა არ ყოფილა. ბავშვი, ფაქტობრივად, მკვდრეთით აღსდგა. რაც მოხდა, ნამდვილი სასწაული იყო.