ქალი, რომელმაც შვილის გადასარჩენად ოთხივე კიდურზე უარი თქვა ქალი, რომელმაც შვილის გადასარჩენად ოთხივე კიდურზე უარი თქვა ტეხასის შტატში 40 ექიმი იმ ქალბატონის სიცოცხლის გადასარჩენად იბრძოდა, რომელსაც კიდურების ამპუტაცია დასჭირდა საკუთარი შვილის ამ ქვეყნად მოსავლენად.

ამერიკის შეერთებულ შტატებში, ექიმებმა 41 წლის ფეხმძიმე ქალბატონს მეტად საშიში დიაგონიზი დაუსვეს: სწრაფად პროგრესირებადი ნეკროზული ფასციტი. ექიმებმა კეიტ ჰაისი გააფრთხილეს, რომ თუ იგი მაინც გადაწყვეტდა მშობიარობას, მაშინ შედეგს შესაძლოა ქალბატონი სავალალო მდგომარეობამდე მიეყვანა. კეიტმა კი უარი თქვა ორსულობის შეწყვეტაზე და მშობიარობა გადაწყვიტა. „სტრეპტოკოკები კეიტის ორგანიზმში დიდი სისწრაფით ვრცელდებოდნენ. მან საკუთარი სიცოცხლე სასწორზე მშობიარობის გამო შემოდო“, - აღნიშნა კეიტის მთავარმა ექიმმა. კეიტის მეუღლის, ალი ჰაისის თქით, 2010 წლის თებერვალში სამყაროს ულამაზესი და ჯანმრთელი გოგონა, არიელი მოევლინა. სამწუხაროდ მშობიარობიდან ორი დღის შემდეგ, ექიმები იძულებულნი იყვნენ დედა საოპერაციო განყოფილებაში გადაეყვანათ. 15 საათის განმავლობაში 40 ექიმი დედის სიცოცხლის შენარჩუნებას ცდილობდა. სამედიცინო ჩარევის შედეგად, ექიმებს კეიტისთვის ორივე ხელის მოკვეთა მოუხდათ, რათა ინფექცია მთელს სხეულში არ განვითარებულიყო. ზუსტად ერთი კვირის შემდეგ კი ქალბატონს ორივე ფეხი მოკვეთეს. 10 დღის შემდეგ კეიტი კომატოზურ მდგომარეობაში ჩავარდა, მაგრამ მედიცინის წარმომადგენლების პროფესიონალიზმის საფუძველზე მისი გადარჩენა მაინც მოხერხდა. ყველაფერთან ერთად, შვილის გადასარჩენად საკუთარი სიცოცხლის სასწორზე შემოდების გამო, ქირურგებს კეიტისთვის ღვიძლის ნაწილისა და სხვა ორგანოების ამოკვეთაც მოუწიათ. „ჩემს მეუღლეს ძალიან რთული ოპერაციების გადატანა მოუწია, რის შედეგადაც ოთხივე კიდური დაკარგა. მაგრამ იგი თვლის, რომ მისი მსხვერპლი გამართლებულია. ახლა მე ვიღებ მისი მოვლის პასუხისმგებლობას საკუთარ თავზე. მე იგი უსაზღვროდ მიყვარს“, - აღნიშნავს კეიტის მეუღლე. „ახლა მე დამოუკიდებლად მოძრაობა არ შემიძლია, მაგრამ არაფერს ვნანობ. შეუძლებელია იმის წარმოდგენაც კი, რომ საკუთარი სიცოცხლისთვის ჩემს ქალიშვილზე უარი უნდა მეთქვა“, - ამბობს თავად კეიტი.