☝🏻АЯЛЫҢДЫ АТА - ЭНЕҢДЕН ӨЙДӨ КОЙБО

⠀
✍🏻Ата-эне бизден эмнени каалайт? Аларга биздин акчабыз, малыбыз, байлыгыбыз керек эмес. Аларга болгону сенин бир ооз жылуу сөзүң, бир гана жылуу коз карашьң, болор-болбос убактың гана керек. Сенин аялың: «Алып келбедиңби, качан алып келесиң, алып бербейсиң, кылбайсың?» деген сөздөрдү айтып, алууну гана каалайт. Ал эми энең: «Алып кетпедиңби, качан алып кетесиң? жетиштүү, тек койо бер, өзүңө кара, курсагыңа кара, ач жүрбө, аман бол кандай болсо да, кайда болсоң да » - деп, берүүнүн гана камын ойлойт. Аялыңдын көңүлүчөгүп, сага таарынымыш болуп калса, анын көңүлүн көтөрүү үчүн колуңдан келгендин баарын жасайсың. Энеңдин көңүлү кандай экенин сурабаганыңа канча күн болгонун бир эстеп көрчү?Ойлоп көрчү телефон чалсаң биринчи аялың эмнени сурайт, энең эмнени сурайт.
⠀
📍 Бир зергер буюмдарын саткан дүкөнгө жаш жигит аялы менен кирип калат.
Алардын артынан жаш баланы которгон улгайып калган аял да кирет. Келин сойко, шакектерди тандап отуруп, акыры эки жүз долларга бир сойко сатып алат. Жигит анын акчасын толоп жаткан мезгилде, сатуучу: «Эки жүз сексен доллар бересиз» - дейт.
Жигит: «Эмне үчүн?» - деп сурайт. Тиги: «Бул аял сексен долларга бир шакек алды» - деп, жанагы бала которгон аялды корсотот.
Ошондо ачууланган жигит:
«Сага мунун эмне кереги бар эле?» - деп, тиги аялга кыйкыра баштайт. Аял уялганынан колундагы баланы жерге коюп, шакекти таштайт да, дүкөндөн чыга качат.
Келин күйөөсүнө карап:
«Сен эмне үчүн ага кыйкырасьң, эми баланы ким котөрот, ким карайт?» - деп, аны жекире баштайт.
Жигит жерде жаткан шакекти алып, сыртка чыгат да, тиги аялга карап:
«Эне кечирип коюуңуз, ала бериңиз бул шакекти» - деп, ага сунат. Бирок, көзүнө жаш алган эне жүзүн буруп: «Ырахмат балам, мен эми өмүр откончо шакек тагынбаймын» - деп, жооп берет. Көрсө, бул аял ошол жигиттин энеси экен.
⠀
Аллах Таала ар бир күнөө үчүн жаза даярдаган. Күнөөкөр пенде Акыретте, күнөөсүнө жараша жазаланат. Ал эми ата-энесин нааразы кылган адамдын жазасы Акыретте да, бул дүйнөдө да болот. Ата-энесин карабай таштап кеткен, ата-энесине кол көтөргөн, аларга жаман сөз айткан, аларды суук көзү менен караган ар бир бала жана кыз эртең ата жана эне болот. Алар ата-энесине кылган мамилени ашык-кеми жок өз балдарынан көрөт. Бул Аллахтын алар үчүн бул дүйнөдө берген азабы.
Пайгамбарыбыз [Ага Аллахтын салам-салаваты болсун): «Ата-энеңди урматтап, сыйла. Сени да балаң урматтайт» - деген. Ал эми ата-энени нааразы кылган адам үч үн болуучу Акырет азабы айтпаса да түшүнүктүү.
⠀
Келгиле, ушунча сөздөн, насааттардан кийин өзүбүзгө мусулмандык убадабызды берели.
Ким, ата- энесинен көптөн бери кабар ала элек болсо, барып кабар алсын.
Ким, ата-энеси менен көптөн бери сүйлөшө элек болсо, телефон чалып ал-абалын сурасын.
Ким, көптөн бери ата-энесине белек тартуу кыла элек болсо, белек берсин.
Ким, шайтанга азгырылып ата-энесин нааразы кылып койгон болсо, кечирим сурасын. Ал эми кимдин ата-энеси бул дүйнөдөн өтүп кеткен болсо, аларга дуба кылсын. Аллахым, ар бирибиздин билип- билбей кылган күнөөлөрүбүздү кечир. Ата- энелерибиздин кылган күнөөлөрүн да кечир. Ата-энебиз биз ымыркай кезде кандай мээрим токкон болсо, Сен да аларга ошондой мээрим төккүн. Аллахым, ар бир баланы ата- энесин урматтоочу кылгын. Ата-энени нааразы кылып алуудан сакта...
⠀
👤Абдишүкүр ажы Нарматов.
⠀
👨‍👩‍👧‍👦 БАКТЫЛУУЛУК ФОРМУЛАСЫ
══════════════════
✿ OK.ru/Formulasy ✿ Fb.com/Formulasy ✿ Vk.com/Formulasy ✿ Youtube.com/Formulasy ✿ Instagram.com/Formulasy ✿ WWW.FORMULA.KG