Ey Cənnət istəyən mömin, cavab ver!

Әli vilayəti Cənnət deyilmi?
Ey özün Behiştdən çıxardan bəşər!
Bu işin hələ də qəflət deyilmi?
Әli imaməti əslidir dinin,
Әli imamıdır insanın, cinin.
Qəbul etməyirsiz Quranın dilin,
Әli tükənməyən sərvət deyilmi?
Tohidi naqisdir Әlisiz kəsin,
Vəlisi şeytandır Әlisiz kəsin.
Söylə, nəyi vardır Әlisiz kəsin?
Әli insanlara rəhmət deyilmi?
İzzətin günahda axtaran bəşər,
Haqqını nahaqda axtaran bəşər.
Fikirləş bir anlıq, a nadan bəşər!
Әli vilayəti izzət deyilmi?
Әli bir bəşərdir, amma günahsız,
Әlisiz kimsələr bilin, nahaqsız.
Oxuyun, Əhzabın təthir ayəsin!
Әli başdan-başa ismət deyilmi?
Әli incisidir bəşəriyyətin,
Әli muncisidir hər cəmiyyətin.
Әli munisidir əhədiyyətin,
Әlinin sözləri hikmət deyilmi?
Səməndər, Əlidən yazsın qələmin!
Әli İmamındır, sənin nə qəmin?
Hər iki aləmdə O, nicat gəmin,
Әliylə yaşamaq şöhrət deyilmi?