23 жніўня ў весцы Ляўкі панавала небывалае ажыўленне: мясцовыя жыхары сабраліся, каб разам адзначыць свята вёскі, свята роднага, мілага кутка.

Ціхая маляўнічая мясціна зайграла яркімі фарбамі, напоўнілася гукамі вясёлых мелодый і смехам. Тут прайшла цёплая сустрэча пакаленняў і сяброў. Вяскоўцы весела бавілі час і па-сапраўднаму адпачывалі душой. Святочная атмасфера несла добры настрой у кожную сям’ю і сагравала сэрца гасцей.