♡ უკრაინული ვარენიკების მომზადების უამრავი მეთოდი არსებობს, ჩვენ უკვე შემოგთავაზეთ ერთ-ერთი მათგანი.

♡ თუ თქვენ უკვე მოამზადეთ ალუბლის ვარენიკები და მზად ხართ ახალი კულინარიული გამოცდილებისთვის, ეს რეცეპტი თქვენთვისაა.
გიცდიათ მარწყვის ვარენიკის მომზადება? ეს საკმაოდ მარტივი პროცედურაა და შედეგი ნამდვილად დიდ სიამოვნებას მოგანიჭებთ.
♡ საჭირო ინგრედიენტები:
• კეფირი 500 მლ
• სოდა 1 ჩ/კ
• მარილი 10 გრ
• ფქვილი 800 გრ
• კვერცხი 1 ცალი
• შაქრის ფხვნილი 100 გრ
• მარწყვი 300 გრ
♡ მომზადების წესი:
1. გავრეცხოთ მარწყვი, დავშაქროთ და გავაჩეროთ დაახლოებით 40-50 წუთი.
2. კეფირი მოვათავსოთ ჭურჭელში, დავუმატოთ სოდა (გავაჩეროთ 5 წუთი). ჩავამატოთ მარილი, კვერცხი და ავურიოთ ერთმანეთში.
3. ჭურჭელში მოვათავსოთ ფქვილი და დავუმატოთ ჩვენს მიერ მომზადებული კეფირის და კვერცხის შერეული მასა.
ცომი კარგად მოვზილოთ და შემდეგ 30 წუთი გავაჩეროთ.
4. კაკლისოდენა ცომი გავაბრტყელოთ, მოვათავსოთ შიგნით მარწყვი და მოვაყაროთ შაქარი.
5. ჩავყაროთ ქვაბში ვარენიკები დაახლოებით 10 წუთი, სანამ ისინი წყლის ზედაპირზე არ ამოვლენ.
მოსართავად შეგიძლიათ გამოიყენოთ მარწყვი ან მისი წვენი.