♡ ვარენიკები უკრაინული სამზარეულოს ერთ-ერთი ყველაზე პოპულარული კერძია!

♡ დღეს ჩვენ შემოგთავაზებთ ალუბლის ვარენიკის რეცეპტს!
♡ ცომის მოსამზადებლად დაგჭირდებათ:
• 3 ჭიქა ხორბლის ფქვილი
• ½ ჭიქა წყალი
• ½ რძე
• 1 ცალი კვერცხი
• 1 ჩაის კოვზი მარილი
• 1 ჩაის კოვზი მცენარეული ზეთი
♡ შიგთავსის მოსამზადებლად დაგჭირდებათ:
• 500 გრამი ალუბალი
• 4 კოვზი შაქრის ფხვნილი
♡ მომზადების წესი:
• ალუბალი გაარჩიეთ, გარეცხეთ, დაკურკეთ და მოათავსეთ ჭურჭელში. მოაყარეთ რამდენიმე სუფრის კოვზი შაქრის ფხვნილი და შემდეგ შეინახეთ მაცივარში.
• ერთმანეთში შეაზავეთ რძე, მარილი და ზეთი.
• გაცრილ ფქვილს დაუმატეთ კვერცხი, რძისა და წყლის ნაზავი და მოზილეთ მკვრივ მასამდე.
• კაკლისოდენა ცომი გააბრტყელეთ, მოათავსეთ რამდენიმე ალუბალი, გადაკეცეთ ცომი ნახევრად და კარგად შეკარით კიდეებზე.
• ჩაყარეთ ვარენიკი წყალში და შეეცადეთ არ გადახარშოთ.
• სუფრაზე გატანამდე, შეგიძლიათ ვარენიკი ალუბლით გააფორმოთ.
♡ თქვენ როგორი ვარენიკები გაგისინჯავთ და რომელს ანიჭებთ უპირატესობას?