"Татарча диктант" чарасы өч ел рәттән оештырыла.

Быел диктантны язарга 9 яшьлек малай да килгән иде.
Бүген Татарстан урамында урнашкан КФУның Л.Толстой исемендәге Филология һәм мәдәниятара багланышлар институтында татарча диктант язуда 170тән артык кеше катнашты. Алар арасында Башкортстаннан килгән 25 кешелек вәкиллек дә бар иде. Диктантны язучылар арасында 9 яшьлек малай да булды. Диктантны Татарстанның атказанган артисты Эльмира Кәлимуллина укыды.