Кырымның Иске Кырым шәһәрендә яшәүче Зарема Куламетовага полиция хезмәткәрен рәнҗетүче сүз әйтүдә гаепләп бирелгән мәҗбүри эш җәзасы тәмамланды.

Бар Кырымнан кырымтатарлар килеп аңа ярдәм итте. Аннексияләнгән Кырымдагы Русия мәхкәмәсе Куламетовага 250 сәгать мәҗбүри эш һәм 20 мең сум штраф җәзасы билгеләгән иде. 25 июльдә мәҗбүри эшкә керешкән Куламетова милләттәшләре ярдәме белән аны 22 октябрьдә тәмамлады.