როცა გულს გატკენენ, გრძნობებს ნუ აჰყვები
ბავშვივით შეხედე სიცოცხლეს.
სულის სიმშვიდისა გააღე სარკმელი
და შენთვის გულწრფელად ილოცე.
როცა გივიწყებენ, ეს მათი ტვირთია,
ნუ ფიქრობ რომ ცის ქვეშ მარტო ხარ.
ნუთუ არასოდეს გიფიქრია,
რომ უფალს ყოველთვის ახსოვხარ.
თუ შენი სიკეთე ვიღაცამ გათელა
უფლის სამართლისა გჯეროდეს.
შენ ნუ განიკითხავ უმადურს ამქვეყნად,
უბრალოდ მიენდე შემოქმედს.
და თუ გაგიმართლა, ფრთებს ნუღარ შეისხამ,
ნუ სცოდავ ამ მიწის სტუმარი.
ნუ იტყვი რომ სხვაზე რაღაცით მეტი ხარ,
უბრალოდ, ადიდე უფალი!