Turmush - Ак-Жар айылынын 10 жылдык бүтүрүүчүлөрү мектептин алдына отургучтарды орнотушту

Ат-Башы районуна караштуу Ак-Жар айылындагы мектепти 10 жыл мурун аяктаган бүтүрүүчүлөр отургучтарды орнотуп беришти. Бул тууралуу аймактык кабарчыга бүтүрүүчүлөрдүн бири Акмат Шүкүрбеков билдирди.
Анын айтымында, мектептин алдына отургучтарды орнотууну 1990-жылы туулган бүтүрүүчүлөр колго алышкан.
«Быйыл мектепти аяктаганыбызга туура 10 жыл болду. Бүтүрүүчүлөрдөн 14 жигит биригип, 45 миң сом сарптап, 6 даана отургуч орнотуп бердик. Мындан тышкары 25-майда мугалимдерибизге белектерди тартуулайбыз», - деди ал. http://at-bashi-r.turmush.kg/news:346136/?from=atbashykg