İNSAN

Günbəgün həyata nifrətim artır,
Bir qarın çörəyə alçalır insan.
Beş manat xeyri olacaq deyə,
Üzünə söyürsən əl çalır insan.
Qocalmış bir qurdu it salır ələ,
Tülkülər ovçuya qururlar tələ.
Gözünün içinə tüpürsən belə,
Nəticə çıxartmır ucalır insan.
Min dərman sağaltmaz, bir dil yarasın,
Yumaqla aparmaz su üz qarasın.
Çiynində dəfn etsə cavan balasın.
Bir anda bükülüb, qocalır insan.
Ədalət, yaxşı bax tanı dünyanı,
Heç kəs öz-özündə görmür nöqsanı.
Heyvana min şükür, insan insanı,
Didib parçalayır, öc alır insan.