Фикрет Хидиров

ХЪФИЗВА ЗУН КЦ1АРИЗ
Хъфизва зун чи Кц1ариз,
Ч1ав я гатфарин.
Хъфизвай югъни кьунва
Хумул марфади.
Зи мензил, яргъал тушир,
Я Дербент – Кц1ар,
Кас авани вич течир,
Женнетдиз ухшар.
Зун мугьман хьиз рекьева,
Хайи макандиз.
Кьадар-кьисмет рик1еваз
Лезги ватандин.
Яраб ви гьал гьик1 ят1а?..
Гуз жуваз суал,
Вав, рахазвай хьиз аваз,
Ийиз дерди гьал.
Гила, «къунши» уьлкведа,
Лезги магьалдин,
Вун меркез я лагьайт1а,
Гьахъ жеда якъин.
Шаксуз ви къамат, акун
Даим рик1еваз,
Вал кьил ч1угваз жеда чун,
Диге – бине яз.