Фикрет Хидиров

АХЪАЙДА
Уьлквейри - урус ч1ехи,
Муькуьдни - мугъул гъвеч1и,
Кьве чин алай часпардив,
Халкьдин кимел татана,
Чил, ч1ал сад тир Лезгидин
Авсият-рехъ ат1ана.
Советар чк1уникди,
Кьилди уьлквеяр хьуникди,
Халкьдихъ квай ислягь къилих
Кьве уьлкведи кьата1на,..
Чил, ч1ал сад тир Лезгидин
Авсият-рехъ ат1ана.
ФЗ-дин къарарда…
Гьакимдин къул алай,
«Часпар «экуьд» я …»-лагьанва.
Гьа къарардал татана,
Чил, ч1ал сад тир Лезгидин
Авсият-рехъ ат1ана.
Гьак1 ят1ан халкь, динж тахьай,
Сятералди к1вачел жез,
Часпардилай эляйч1дай
Ст1ун «экуьвал» тахьана…
Чил, ч1ал сад тир Лезгидин
Авсият-рехъ ат1ана.
…Пайда хьайи ковиддик
Халкь, генан, гьатнай к1еве…
Часпар хьана куьлегдик
Азар чк1ай йисалай…
Чил, ч1ал сад тир Лезгидин
Авсият-рехъ ат1ана.
Йиса - гьар пуд вацралай,
«Дердидикай» часпардин
Малумат гуз таб галай,
Халкь бизар хьунал гъана…
Чил, ч1ал сад тир Лезгидин
Авсият-рехъ ат1ана.
Къе амачт1ан ковид пис,
Тек са мугъул уьлкведи
Ийизма и *т1угъвал «гьисс»...
Эляч1 тавун паталай…
Чил, ч1ал сад тир Лезгидин
Авсият-рехъ ат1ана.
Гила, бес я, ислягь я…
Гудай, сая, суалриз
Са юкъуз жаваб хгана,
Тайин югъни къалурна,
Гьукум гъиле авайда, Халкьдин чара ат1айда,
Чил, ч1ал сад тир Лезгидин
Авсият-рехъ ахъайда…
*Т1угъвал - акатдай азар
2025