*ЧАН ДАФТАР

Заз ава, фадан, чан дафтар,
Са пай адан бендеринд я.
Т1имил пайни, жедай бакар,
Арифдарин къейдеринд я.


Гзаф тушт1ан абрун кьадар,
Мас-къиметдик ква гьар са ц1ар.
Секинарда гафари дидар,
Мизамдава, гуьнгуьнава.


К1елиз абур жеда ашкъи:
Руьгь тухариз ида рази .
Жеч бендериз жедайд акси.
*Гьузур ийир зендинава!


К1аш акьазвай к1авузардай
Акъатдай хьиз ц1елхемдин ц1ай…
Гьа саягъда ашкъид гатай
Мугьуббатдин бендинава.


К1елдайлани абур са къат,
Гевил жеда авазра гьат.
Даллаяр туш фидай яргъалд…
Кьве яб тухур денгинавач.


Тегъидай хъел, тийидай т1ар,
Хъуьтуьл, верц1ибур я ч1алар.
Элкъвез-хквез гьа са гафар
Тахьун патал женгинавай.


Яхц1ур йис я дафтар аваз.
Гагь-гагьни за, ашкъидик кваз,
К1елзава бендер севт1 алаз,
Шаирди хьиз деминавай.
.

Агьил чагъда авай Аран,
Чан дафтар хьун кар я хъсан!
Амма ватан я хуп1 масан…
Аван ада ватандин ван ?..
Авачт1а, кхьихь дердинаваз!


2011. 09.

*Чан дафтар – къейдер, рик1ел хкунар, маса кхьинар жедай книжка.
*Гьузур ийир – желб ийир.