МИСК1АЛАР

Играми жуванбур, квевай ин миск1алриз жавабар гуз жедани?)

1.

К1анч хьтин к1вач адак гала,
Кьилелни бармак ала.
Т1уьрт1а пис туш гьар юкъуз,
Т1варни адан ...?
*****

2.

Сандук я вич, кьуд пад киви битав,
Галач ракар адак, я галач къав.
Адан юкъва ава къизилдин к1ус,
Ам вуч ят1а, жаваб ни гуда, мус?
*****

3.

Фида фад ам, акъвазаржедач,
Я к1вачарни квач, я луварар.
Адав садни агакъаржедач,
Вегь кван фад инал куь жавабар?
*****

4.

Ч1улав ят1ани ам пехъ хьиз,
Луварни кват1а лекьрехъ хьиз,
Галазва крчарни виридаз хуш,
Амма я яцни туш, яни къуш...
*****

5.

Я дувулар аквадач, яни к1ан,
Виридалайни ам жеда къакъан.
Эхъецда цавуз, акваз к1анз фелек
Амма я тарни туш ам, яни лекь.
*****

6.

Гапурдилай я хци,
Виртедлайни верци,
Тарагъаждай кудда,
Тахтуниз акьудда,
Ам гьар садаз ава,
Садбуруз "авачирдай" я
*****

7.

Ам вуч я, дуьнья тирвал къекъведа,
Са п1ип1е амукъда?
*****

8.

Неда ада гьар са шеъ,
Неда тамни, кьвал, шуьше,
Ракьни неда, зунни, вун.
Гьик1ван куьн гьавурда ттун?
Ам гъалибрилай гъалиб,
Ам гьакимрилай гьаким.
*****

9.

Гьуьле ава, вац1ани,
Лув гудайла цавайни,
Къекъведа гьар уьлкведа,
Ахпа чилерал хкведа.
*****

10.

Зун вид ят1ани,
валай пара менфят
къачузва ччарабури...
Вуч я зун?
*****

11.

Гьар нянихъ заз лугьузва ийидай к1валах.
Гьар экуьнехъ, за ийизва заз лагьай к1валах
Амма вирида заз экъуьгъзава....
*****

12.

Зал вилер алаз акъвазда вири,
Амма зун атайла, вири катзва.
Зун физва виняй агъуз,
Агъадай виниз фидач садрани.
*****

13.

Адай гьикьван пара къачурт1а,
Са гьакьванни ам пара жеда.
*****

14.

Санал акъвазтийиз, и патахъни,
а патахъни галтаджез ават1ани,
адахъ тахсир садани кутвадач.
*****