Молитва к Святому покровителю
О святый Владиславе, королевства Сербскаго благочестивый правителю! Ты не токмо сродником, но и паче духовным наследником великаго Саввы явился еси в жизни временней, весьма зело поревнова о славе Божией во отечествии своем, благоустроением и благоукрашением домов и обителей Божиих. Ты непрестанно творил молитву о избавлении от нашествия иноверных, об утвержении и чистоте веры православныя. Ныне и мы, не токмо носящии твое славное имя, но и вси чтущии твою честную память, прибегаем к твоему заступлению, молимся тебе, просяще у прославльшаго тя Господа мира и нашему отечеству, любви между ближними, прощения прегрешений наших, помилования и спасения. Аминь.