Декабрь менән ғинуар нисек килә?

Башҡортостанда ниһайәт ҡар яуа башланы. Аномаль йылы һауа торошоноң оҙайлы осоро бәлки тамамланалыр. Ҡыштың тәүге айы ниндәй була? Ғинуар нимә менән ғәжәпләндерер? Синоптиктар көтөлмәгән фараз бирә.
Башгидромет хәбәр итеүенсә, декабрҙә уртаса һауа температураһының норманан бер градусҡа юғарыраҡ булыуы көтөлә, ә норма – -10,8 градус. Айлыҡ яуым-төшөм нормаға яҡын, ҡар күп булыуы көтөлә. Әммә айҙың тәүге декадаһы аномаль йылы була — һауа температураһы норманан алты градусҡа юғары була.
“Фобос” үҙәгендә 11 декабрҙән ҡар яуыуы вәғәҙә ителә. Ә аҙмы-күпме етди һыуыҡтар айҙың икенсе яртыһында ғына килә. Төндә синоптиктар -20, көндөҙ -14,-16 градус вәғәҙәләй. Яңы йыл байрамына тағы ла йылыта. Төндә һауа температураһы -7,-9 градус була. Көндөҙ -4 градус.
Ғинуарҙа, фараздарға ярашлы, һауа температураһы уртаса статистика күрһәткестәренә тап килә. Ғинуар өсөн был -12,5 градус тирәһе.