Пентагон 800 миллион доллар ба Украина кумак мекунад

Лоиҳаи буҷаи Вазорати мудофиаи Иёлоти Муттаҳида (Пентагон) аз нақшаи ин вазорат барои ҷудо кардани 800 миллион доллари ёрӣ ба Украина дар солҳои 2026 ва 2027 гувоҳӣ медиҳад.
Хабаригузории «Меҳр» аз пойгоҳи иттилоотии Конгресси ИМ нақл кардааст, ки тибқи лоиҳаи «Қонуни ваколатҳои мудофиаи миллии» ин кишвар, дар солҳои 2026 ва 2027, дар маҷмӯъ 800 миллион доллар барои дастгирии Украина ҷудо карда мешавад.
Мувофиқи ин санад, дар ҳар яке аз ду соли 2026 ва 2027 маблағи 400 миллион доллар барои ёрӣҳои низомӣ ва амниятӣ ба Украина пешбинӣ шудааст. Конгресси ИМ нақша дорад, ки ин ҳафа раванди овоздиҳӣ дар бораи ин лоиҳаро оғоз намояд.
Дар қисмати дигари ин санад, Вазири мудофиаи ИМ вазифадор карда шудааст, ки дар сурати ҳар гуна таваққуф ё хотимаи муваққатии фиристодани иттилоот ва маълумоти иттилоотӣ ба Украина, гузориши расмӣ ба Маҷлиси намояндагон ва Сенати ИМ пешкаш намояд. https://tajikpress.com/2025/12/08/%d0%bf%d0%b5%d0%bd%d1%82%d0%b0%d0%b3%d0%be%d0%bd-800-%d0%bc%d0%b8%d0%bb%d0%bb%d0%b8%d0%be%d0%bd-%d0%b4%d0%be%d0%bb%d0%bb%d0%b0%d1%80-%d0%b1%d0%b0-%d1%83%d0%ba%d1%80%d0%b0%d0%b8%d0%bd%d0%b0-%d0%ba/