ХАЙЫРЛЫ САБАЛАР!

Сайгъылы юртдашларым!
Сабалейин бир фильджан къаве ичмек халкъымызда эвель-эзельден берли адет олып кельген. Афиет олсун!
Шу къавенъизден даа да зияде хошланмакъ ичюн бугунь къышнынъ ильк кунюнде (1.12.2025 с.) дикъкъатынъызгъа шу мевсимге аит бир къач аталар сёзю ве айтымларны хатырламагъа теклиф этем:
Къара къышта тазе хияр
Къыш къышлыгъыны, къуш къушлугъыны косьтерир.
Къыш къышлыгъыны япмаса, яз язлыгъыны япмаз.
Къышта кольмексиз, язда отьмексиз чыкъма.
Язнынъ къалымтылары къышнынъ ашыдыр.
Сайгъылы юртдашларым, эгер къыш акъкъында башкъа бир аталар сёзлери хатырласанъыз, комментарийлерде лютфен пайлашынъыз.
(Фотода: белли къырымтатар масалджысы Мустафа Топал)