Восем жыхароў раёна прынялі ўдзел у абласным балі для пажылых грамадзян «Калядная сімфонія», які прайшоў у Віцебску.

Мерапрыемства ладзілася ў рамках рэспубліканскай дабрачыннай акцыі «Ад усёй душы».
На баль у абласную філармонію сабраліся прадстаўнікі ад многіх Тэрытарыяльных цэнтраў сацыяльнага абслугоўвання насельніцтва, танцавалі і чатыры пары ад нашага раёна – з Мікіціхі і Обалі. Праграма была класічнай і ўключала вальсавую кампазіцыю «Натхненне».