У Кракаўскім нацыянальным музеі вырабы радзівілаўскай шкляной гуты ў Налібаках.

Сёлета мінае роўна 300 год як нашая былая княгіня Ганна Радзівіл адкрыла налібацкую мануфактуру. У кракаўскім музеі прадстаўленае шкло з трох месцаў: Саксоніі, Багеміі і Налібак. Бо менавіта першыя два і натхнілі княгіню распачаць самы паспяховы стартап у ВКЛ. Уявіце, Дрэздэн, Карлавы Вары і ... Налібакі.
Больш за 100 год налібацкае шкло ўпрыгожвала каралеўскія палацы Еўропы. І калі спачатку келіхі, куфлі, кандэлябры і інш рабілі запрошаныя майстры з Нямеччыны, Аўстрыі, Чэхіі і Францыі, то пасля гэта перанялі мясцовыя хлопцы. Такая была ўмова Радзівілаў.