ოცნება ჩავუთქვათ,გავუშვათ ბუშტები,

იფრინონ , ზეცამდე წაიღონ სათქმელი,

ერთმანეთს გავუთბოთ ნაზამთრი გულები,

წამით დავივიწყოთ სევდა და დარდები.

ყოველ დღე მუხლმოყრით ვმადლობდეთ შემომქმედს,

მოგვმადლა შევიგრძნოთ მშვენება მიწისა,

კარგად ვარ! - ერთმანეთს ამ სიტყვით შემოვხვდეთ,

არავის გავანდოთ, თუ როგორ გვიჭირდა.

ვისწავლოთ ღიმილით ცრემლების შენიღბვა,

რა გვტკივა, ისედაც არავის ადარდებს,

ვიცინოთ ისე , რომ შევიგრძნოთ ჩვენი ხმა,

ვიცხოვროთ ამ ქვეყნად, სანამ ვართ მანამდე.

ოცნება ჩავუთქვათ, ვაფრინოთ ბუშტები

ზეცამდე, ღრუბლებთან წაიღონ სათქმელი,

ფერებად მოვხატოთ შავ-თეთრი ქუჩები,

გავყაროთ გულიდან სევდა და დარდები.