მას ტყუილად არ ერქვა „მფრინავი ჰოლანდიელი“, ის მართლაც რომ დაფრინავდა მოედანზე, მისი ერთი მოძრაობა საკმარისი იყო, რომ 3-4 მეტოქე მოტყუებულიყო. ის იყო დიდი გენია, რომელმაც წარუშლელი კვალი დატოვა „აიაქსის“, „ბარსელონასა“ და ჰოლანდიის ნაკრების რიგებში.მან კარიერის მანძილზე არაერთი გენიალური გოლი გაიტანა, გავიხსენოთ „ატლეტიკო მადრიდის“ კარში გატანილი გოლი, გავიხსენოთ ლეგენდარული მატჩი „ბერნაბეუზე“, სადაც „ბარსამ“ კრუიფის დახმარებით, 0:5 გაანადგურა მეტოქე.გავიხსენოთ მისი პენალტის გათამაშება „აიაქსის“ მაისურით, რომელიც ისტორიაში „კრუიფის პენალტის“ სახელით შევიდა.

მან კარიერის მანძლზე 3 ოქროს ბურთი მოიგო, გაიყვანა რა ჰოლანდიის ნაკრები ფინალში, სადაც გერმანიასთან 1-2 დამარცხდნენ. ის ერთი გოლიც მისი წაქცევის შედეგად პენალტის ნიშნულიდან გაიტანეს...და მისი ერთ-ერთი დიდი აღიარება - ევროპის საუკუნის ფეხბურთელი, მან ეს 1999 წელს მოიგო. ეს დიდი წოდებაა ნებისმიერისთვის.გადავიდეთ მის სამწვრთნელო კარიერაზე და ვისაუბროთ „ბარსაზე“ და ოცნების გუნდზე - ეს იყო საათივით აწყობილი დალაგებული გუნდი, რომელიც თამაშობდა არაამქვეყნიურ ფეხბურთს, მან მოიგო კატალონიელებისთვის ნანატრი ჩემპიონთა თასი.

კრუიფი უჭკვიანესი ადამიანი იყო, რაც განსაკუთრებით მისი მწვრთნელობის დროს დადასტურდა. მან შეუქმნა კატალონიურ გრანდს ის დიდი ფილოსოფია, რომელიც დღეს „ტოტალური ფეხბურთის“ სახელითაა ცნობილი და ამ ფილოსოფიით „ბარსა“ უკვე 26 წელია დაიკვეხნის.კრუიფზე საუბარი ძალიან შორს წამიყვანს, ერთს ვიტყვი - კრუიფი ერთ-ერთი საუკეთესოა (თუ საუკეთესო არა) ფეხბურთის ისტორიაში. უბრალოდ ვიტყვი: მადლობა კრუიფს! ღმერთმა ნათელში ამყოფოს მისი სული.