უგემრიელესი ქადები

რეცეპტი
არაჟანი 1 ჭიქა
კარაქი ან მარგარინი 250 გ
სოდა 1 ჩ.კ
ფქვილი 2.5-3 ჭიქა
ვანილი
კვერცხი ზემოდან წასასმელად
გულსართი
შაქარი 1 ჭიქა
ფქვილი 1 ჭიქა
კარაქი ან მარგარინი 150 გ
ვანილი
ცივი კარაქი გავხეხოთ (250 გ ცალკე და 150 გ ცალკე) .
არაჟანს დავამატოთ სოდა, შემდეგ კარაქი, მწიკვი მარილი, ვანილი და ფქვილი. ავურიოთ ისე, რომ ფქვილი და კარაქი შეერიოს. მიღებული რბილი ცომი ორად გავყოთ და მაცივარში შევდოთ.
დარჩენილ 150 გ კარაქს დავამატოთ შაქარი, ფქვილი და ვანილი, ავურიოთ.
გავაბრტყელოთ ცომი თხლად, მოვაყაროთ გულსართის ნახევარი, გადავახვიოთ რულეტივით, მჭიდროდ და დავჭრათ 2-2.5 სმ ნაჭრებად. დავალაგოთ ქაღალდჩაფენილ ტაფაზე, გადავუსვათ ათქვეფილი კვერცხი და მოვაყაროთ ცოტა შაქარი.
ცხვება 180 გრადუსზე 20-30 წუთი.