ყური დაუგდეთ

ყური დაუგდეთ,, იავნანას"
დედისას ქართულს,. ჯარისკაცების ომახიან შეძახილს მხედრულს,
ნუ დაივიწყებთ საქართველოს
იმ გმირულ წარსულს,
რითაც მოვედით, სამშობლოსას
სიყვარულს ერთგულს.
ძვირად გვიჯდება, თუმცა მაინც ქვეყანას ვიცავთ,
ფეხზე ვდგავართ და ჩვენს მომავალს
ვუნახავთ მამულს.
წესად რაცა გვაქვს, წინაპრების
საფლავებს ვფიცავთ
და არ ვივიწყებთ მიტაცებულ ოშკსა და ხახულს.
დიდება ვუთხრათ სიყვარულით
გათანგულ ქართველს,
გული რომ უძგერს სამშობლოსთვის
და იცავს მკერდით.
ულამაზესი ფერებისგან შემკობილ მთა-ველს,
უტკბილესი ხმით რომ უმღერის
მდგარი მის გვერდით.
,, დედა ენათი"გაზრდილ ქალ-
ვაჟს დავწეროთ ჯვარი,
მოვლენილ პირმშოს დავულოცოთ
ნაბიჯი, კვალი.
მუდამ ჰქონოდეთ უღრუბლო ცა, მზიანი დარი
და სამშობლოსკენ რომ ეჭიროთ
მუდმივად თვალი.
ქართულ ჯიშს, მოდგმას მოვეფეროთ,
ვამრავლოთ ერი,
არ დავივიწყოთ ტრადიცია, ყველა ის წესი,
რომ განვასხვავოთ საქართველოს
მოყვარე, მტერი,
კარგად გვახსოვდეს შვილები ვართ უფლის-ქრისტესი.
,, ეთო". სექტემბერი. 2023.