მე მცალია და გელოდები, ისე რომ შენი

არ მოსვლა ისევ არ დამბრალდეს მე ან სხვა მიზეზს.
იცი როგორ ვარ? როგორც მთისკენ წასული გზები,
თოვლის დროს ჯავრი რომ იყაროს, არ იცის ვისზე...
გამოჩნდი, რამდენ რამეს ვკარგავთ ვინ იცის,
ქვეყანასაც კი აერია ახლა სული და
დღეს საგიჟეთში დააწვინეს ამ წლის ივნისი,
რადგან ერთი დღით შეიშალა თურმე ჭკუიდან...
თუ განგიცდია მეგობრებთან სიცილის მერე,
მარტო დარჩენილს რომ შეგიპყრობს სევდის წამები,
გ ა მ ო ჩ ნ დ ი,
თორემ ასე ვარ და ცხოვრების გზებზე,
სამშობლოსავით არეული დავიარები...
თუ განგიცდია, როცა ცრემლის შესაკავებლად,
ორივე მაჯის ვეღარ გშველის ხელის გულები,
ძნელია ჩემო სულ უბრალოდ სულის ტარებაც,
თუკი გამძიმებს, თუკი გტკივა, რითი უშველი.
დღეს თუკი მეტყვი, რომ ოდესმე იქნება ხვალე,
რომ ყველა ჩემი ამოსუნთქვით უბრალოდ მოვცდი,
გამოჩნდი ჰოდა რაც შენ გინდა ის მომახალე,
გ ა მ ო ჩ ნ დ ი ოღონდ,
ამის
დედაც...
ოღონდ გამოჩნდი... temo shengelaia